Va 7 vatulwa moipandeko shinasha nedipao lomushiki ngalo kwali AKA.

Ovafeekelwa va 7 vatulwa moipandeko shinasha nedipao lomushikingalo wa SA, Kiernan Forbes ashiivika nawa AKA, opamwe nakaume kaye Tebello “Tibz” Motshoane.

Omushikingalo opamwe na kaume kaye okwa lopotelwe va yashalelwe okufya po restaurant taihangwa mo  Durban, oshiningwanima aasho shaningilwe omudo wadjako nosha li sha fiya sha halwifa oshiwana mo South Africa, oshoyo mounyuni aushe.

Pamakonaako opolifi yoshilongo okwa ulika kutya oonakukufa ombinga momunyonena wedipao ota shuulike ali vafutwa oku dipaya AKA, ashike nande ongaho ina paetwa etomeno poluhaela kutya omolwashike veshiningila.

Ovafeekelwa aveshe ota kulopotwa veli meni lomido dili  36,  nokwa teelelika vakale vaholoka komesho yomangu momukokomoko wefiku lonena.

Lt Gen Nhlanhla Mkhwanazi, elilepo oshitopolwa sha KwaZulu-Natal, ta lombwele oikundaneki kutya omapekaapeko oo aningwapo okwa ulika kutya olweendo la AKA  pefimbo loshiningwanima ola kala li liwe mokashoko kovadipai vaye, okudja kokapale komatukodila nota shuulike yoo kutya kaume kaye Tibz yee kali alalakenenwa oku dipawa.