Omupresitend Nangolo Mbumba okwa manitha olweendo talelepo lwe ko Angola.

Naaleli yopaali oya holola ompumbwe yiilongo yopaali yi longele kumwe miikondo yopaliko ya yooloka.

Shika oshili shimwe shomiizemo yoonkundathana dha Mbumba nambushe miilonga Joao Lourenco,sho ya tsakanene mo Luanda ohela.

Aaleli yopaali yuumbangalantu wa Africa oya dhenge omuthindo ompumbwe oku nkondopeka elongelokumwe moshikondo shomahooli nomuku,uunamapya nomeya,shiikwatelela komupopiliko gomupresitend Alfred Hengari momushangwa.

Hengari tati Mbumba,ngoka ndika lili etalelepo lye lyotango ko Angola ,okwa dhenge omuthindo kutya Namibia otiilongo oshindji ku Angola moshikondo shomuku nomahooli.

Okutula miilonga etsokumwe lyo Agreement on Cooperation in Petroleum and natural gas Mbumba okwa talelepo endiki lyo Sonangol Integrated Logistics Services (SONILS).

Endiki olya totwapo mo 1995 okugandja eyambidhidho lyoku tuta noku helulila, nomayakulo gafa mpoka miikondo ya Angola yomahooli ,iikwankondo nomuku.

Onga oshizemo Hengari okwati omupresitend Mbumba okwa tsu omukumo ewiliko lyo SONILS okulonga nookume ya Namibia shiikwatelela ketsokumwe liiwetikile muuwanawa wiilongo yopaali.