Zuchu, aya ndja ombili shinasha nomaulikilo omusika yaye oo ali aninga.

OMushiki ngalo ashiivika nawa mo Tanzania wedina , okwa lopotwa ayandja ombili komalelo oshilongo shalandula eshi atulilwapo omangabeko moinyangadalwa yomusika oule weehani dili 6.

Zuchu okwa lopotwa atulilwapo ehandukilo eshi tapewa oushima momaulikilo oishikomwa yaye yatalikako ihena outalelo woku talika kovanhu nota iyandje efano loku xwaxwameka omepo yopaixulo.

Zuchu ota kulopotwa ali akufa ombinga momaulikilo oishikomwa yaye omwedi wadjako ko mudingonoko wokanunu kaKenda sha  Zanzibar,  nota pewa oushima kutya,  ota xwaxwameke omepo yopaixulo.

Ehangano lo Zanzibar Arts, Census, Film and Cultural , onghela metivali olati omaulikilo oo akufwa ombimbinga komushikingalo , oku li ominge nomifyuululwako oshoyo eenghulunghedi domudingonoko.

Ehangano ola pula yoo opo omushikingalo akale ayandja ombili meemadi ditalala.

Moka video oko katuminwa onghela konguloshi kepandja lo  Instagram,  omushiki ngalo okwa yandja ombili mwaasho aninga, tati elalakano laye ka lali nande oku pukifa oshiwana ndee oku shi hafifa.

Zuchu,  omunamido 30 oo edina laye lolela olo,  Zuhura Othman Soud,  oye umwe womovashiki ngalo voshilongo shoushilo wa Africa vatalika veshi pondola moshikondo shomusika.

OKuli yoo omushikingalo wotete omukainhu adja moshilongo osho oku mona ovashikuli vefike po million imwe evalikola okudja  meni loshilongo oku pitila ko  YouTube eshi pondola momudo umwe.