Rebebe oo akala ta kongwa amangwapo.

Oo ali nale omunailonga wombaanga yo Bank Windhoek akala ta kongwa shinasha noulunga woimaliwa okudja mombaanga,  Nico Rebebe  okwa lopotwa atulwa moipandeko ongula yonena komudingonoko wa Puwo.

Omu 30 Rebebe, ota ku hokololwa amangelwapo monele yohonda kadona yaye oyo taihangwa momudingonoko wa Puwo.

Oo eli commander wopolifi moshitopolwa shaKunene, Commissioner James Nderura okwa koleka ekwatepo la Rebebe, tati okwa mangwapo nena lwopo   7:00, konima eshi alombwela ohonda kadona yaye idengele opolifi opo eli,  molwaasho okwa hala oku liyandja mwene kopolifi.

Eelopota dopolifi  dope tameko oda popile kutya,  Rebebe okwa vakapo oshimaliwa shee million N$200 okudja mombaanga osho eshi tumina kee account da yooloka pokati ka   December 2023 na January 2024. Nande ongaho olopota oyo yali yatuminwa oikundaneki okudja kombaanga yo Bank Windhoek, yoo oya yelifa kutya , oshimaliwa sha kana oshili meni leemillion 2, noinashikwatelamo nande oshimaliwa sho va yakulwa vombaanga.

Rebebe  okwa teelelika akale aholoka komesho yomangu ya magistrat mongula ile omandaxa.