Etanga leameno la Sudan lakufululako etonatelo leembelewa doradio yomakwatafano opashiwana moshilongo.

Ovakwaita vetanga leameno mo Sudan okwa lopotwa veshi pondola oku kufululako etonatelo leembonge doradio yomakwatafano opashiwana moshilongo momudingonoko woshilando Omdurman.

Oshikundaneki sho BBC  osha lopota kutya,  enyekeko letonatelo lo radio yopashiwana okudja kongudu taikondjifa epangelo yo RSF oshili efindano lakula koshilongo.

Ota ku lopotwa eembelewa doku andjakaneka omawi momepo moshilongo, dakala dili koshi yetonatelo longudu yo RSF, konima yeehani 11 nghene oita yopashiwana yatukukile moshilongo osho.

Onghalo yomakuyunguto mo  Sudan okwa lopotwa yafininikifa ovanhu eemillion dili 8 va haluluke omalukalwa aavo omolwo kuhena eameno. OuVideos tava adjakanekwa komapandja oikundaneki yoko malungula ova ulika nghene ovakwaita vetananga loshilongo,  tava hambelele noku tyapula efindano loku ku fululako eembonge doikundaneki yopashiwana moshilando  Omdurman.