Epangelo oliitulamo oku yambidhidha mboka taya nyengwa okupitila mo Basic Income Grant

Omupresitend Nangolo Mbumba okwati mboka haa mono uuwanawa mo Basic Income grant yeli  37 519 moshilongo ashihe,ohaya pewa oshimaliwa kepangelo kongushu yoodola oomilion 81.3 kehe omumvo.

Mbumba shika okweshi holola ohela mepopitho lye lyopapangelo koshigwana.

Tati okuyambulapo  mboka ya pumbwa omakwatho ,epangelo olya lundululila opolohalama yo Food bank moshimaliwa koomuma mu April 2022.

Oshimaliwa sho Basic income Grant ohashi pewa mboka kwali yeli mopolohalama yo Food Bank sha kwatelamo aanagumbo 8 907.

Mbumba tati okuyamukula kendumbalalo lyomayakulo gomoondoolopa nomagaumbo taga vulika,epangelo pethimbo lya tumbulwa olya gandja o subsidies komalelo gondoolopa niitopolwa kongushu yoodola oomilion 279 kohi yopolohalama yo Mass  urban and Regional land Service.

Tati iipambu yevi iipe yili 3 103 oya tulwa pamuthika miitopolwa ya yooloka moshilongo pethimbo lya tumbulwa,nokweeta omwaalu gwiipambu yevi ya tulwa pamuthika pethimbo lyo Harambee prosperity Plan 2 po 6 024.