Namibia na Finland va kala moukaume oule fimbo.

Omu President Nangolo Mbumba okwati elineekelo loku patukununa oshilongo monghalo yoluhepo tashi pitile meenghendabala dounamapya, ola iwa moshipala konghalo yelunduluko lomepo pefimbo oshilongo tashi kendabala oku li yambulapo mexumokomesho.

Omupresident Mbumba, pefimbo leshakeno lavo nosheendo shovanambelewa vo commitee yopashimaliwa yoshilongo sha Finland, osho shaningilwa peumbo lepangelo, okwati oshilongo osha taalela onghalo idjuu ya etififwa kelunduluko loghalo yomepo,  nomolwaasho tashi kendabala oku litula pamufika wexumokomesho.

Okwati oshilongo ngeenge oshamono eyambidido loikwanghono oyo yapumbiwa, ovanyasha aavo vena ounongo ota va ka kufa ombinga moku kwatela komesho ou technology upe, osho tashi keva pefifa eemito doilonga,  tati oshilongo ota shipumbwa elongelo kumwe neyambididafano  noshilongo ngaashi Finland.

Mbumba ta yelifa nghene oshilongo Finland na Namibia, ya kala mekwatafano liwa lelongelokumwe momido daka dilongela, tayandje oshi hopaenenwa ngaashi shoshikondo shelongo naikwao,  ashike nande ongaho okwa yelifa nghene tashi pumbiwa natango oku wedapo meenghendabala dawedwapo  doku nghonopeka omakwatafano oku longela kumwe, ngaashi oku pitika Namibia aya kule ovalongifikola vapyokoka okudja koshilongo Finland.

Pefimbo loshiindingili osho twoo osho oshilyo sho coomitee ya Finland Ville Valkonen, okwati Namibia naFinland ova kala moukaume welikalekelwa moule womido didulife pe 150.

Okwati vahapu vomo vanangeshefa, vaFinland,  ovanapolitika,  novanambelewa vayooloka ovena ehalo loku longela pamwe paliko na Namibia moikondo yayooloka ngaashi oikwamina, oprojeka yo green hydrogen oshoyo momahooli nomuku wo gas.

Okwati oshilongo Finland  oshili yoo tashingwa omalandifilo eembilitongo da Namibia.