Kawana ta pula oshiwana shika waimine pamwe edimbuluko lomido 34 doshilongo.

Minister moshikondo sho i kwameni,  omatembu,  epopilo neameno loshiwana Dr. Albert Kawana, okwa pula ova Namibia aveshe vaka waimine pamwe edimbuluko lomido 34 doshilongo,  olo tali kaningilwa neudo ko Katima Mulilo, moshitopolwa sha Zambezi.

Etyapulo oku dimbuluka emanguluko loshilongo, olili tali unganekwa oshikando shotete komudingonoko  wa Zambezi oku dja nghene oshilongo sha monene emanguluko mo 1990.

Dr. Kawana,  okwa pula oshiwana mo shitopolwa no pondje shiye momuvalu uli po mbada pefimbo oshiindingili tashi ka kala shili metifa.

Okwati oshilongo osha etapo sho mupondo moule womido difike po 34 okudja pemanguluko ,omo mwa kwa telwa omayambulepo ayooloka.

Okwati oshikondo she popilo loshilongo ota shi ka kala shili ofika meenghaku ,oku kwa shilipaleka kutya eameno nombili ola ka lekwapo pefimbo loshiindingili.

Minister okwa dimbulukifa yoo ova kwateli komesho veengudu dopapolitika  opamwe nova yambididi vado,  va kalekepo ombili ne ngungumano.