Ounona vofikola mo Nigeria ovo vali vafadukiwapo navo komalume ahomata, ova monika.

Ounona vofikola ve dulife pe 130  ovo kwa lopotelwe va kwatelwepo ombabjona komalume omaleka ndjebo oku dja mofikola taihangwa monooli uniningino wa Nigeria ova monika noku hanganifwa novadali vavo.

Oikundaneki oya lopota kutya, ounona ova monika sha landula eshi vakala metonatelo lovakwatipo vavo oule woivike ili 2 yaka dilongela.

Ounona ova fadukilwepo navo pefimbo omalume eli keemota eya aleka eendjebo aponokela ofikola yavo oyo tai hangwa pondje yodoropa,  Kuringa moshitopolwa sha Kaduna mo 07 March.

Eelopota odati ounona ova monika oshondaxa,  shalandula koshikonga osho shali sha unganekwa kovanambelewa vetanga lopakwaita shaningilwa omufitu woixwa tau hangwa lunga ee kilometr 200,  monooli yoshitopolwa Zamfara .

Ounona vahapu ovo vali vaiwa navo ota kutiwa oveli koshi yomido dili 10 nounona va 6 vomo unona 137,  ovo vamonika ova twalwa  koipangelo,  omanga omuhongi wavo umwe oo ali akwatwapo pamwe navo,  yee taku tiwa okwa dipaelwa momake eengangala pefimbo vakwatwapo.

Omalelo eefikola kuyele molopota yopetameko okwa popile kutya,  ounona  vofikola vefike 287 tava hangwa pofikola aapo ova iwa navo aveshe,  ashike oo eli ngoloneya woshitopolwa sha Kaduna  Uba Sani okwati, ounona ashike vefike pe 137 ovo vali vaiwa navo.

Ounona vefike  1,400  okwa lopotwa vakala va kwatwapo eembabjona oku dja meefikola tadi hangwa mo Nigeria,  okudja mo  2014  mwakwatelwa omuvalu wounona voukadona vefike po 276  ovo vafadukilwepo  navo  koilyo yongudu yo Boko Haram, oku dja   momukunda  Chibok,   oshiningwanima aasho sha halwifile ounyuni mo 2014.