Kokule iha ku thikwa ongula

March 27, 2024 28 3

, yo ondjodhi kehe ohayi vulu okutsa

Omundohotola Hilma Nangula Hamunyela, okwatsu omukumo ayehe mboka ya hala oku igwedhelako melongo lyawo ya longithe ompito manga pepi.

Moonkundathana naye okwati pethimbo ndika okuli omukuluntuskola posekundeskola ya Joseph Simaneka Asino moshitopolwa shaShikoto, nokwa yambukile momukunda Ondando mOniipa.

“Oshali omo 2021 sho nda kutha etokolo opo ndiinyolithe koshiputudhilo sho Philippine Christian

University (PCU) ko Manila, nondi ilongele onkatu yo Ph.D Degree mo Educational Governance,” Hamunyela tati.

okwa gwedhapo kutya nonande a kala a taalela omashongo ogendji, kuyele omwedhi nguka okweshi pondola nokwa dhana oshituthipito she.

Okuli woo omuNamibia gotango ta mono onkatu ndjoka oku pitila moshiputudhilo shoka, meyambidhidho lyehangano lyoAdmissionExpert lililepo aa Afrika ayehe konduko.

Omundohotola Hamunyela okwatsu omukumo kehe ngoka una ehalo lyoku igwedhelako waaha shune monima, molwaashoka ondjila kehe aluhe ohayi kala omainda ashike oto pondola mwaayihe to lalakanene uuna wi itulamo.

Written by: Veronika Haulenga

Rate it