Omikanda doukwashiwana didulife po 24 000 dayandjwa koonakumona ouwa pefimbo loshikonga shili metifa.

Ouministy wo ikwameni, omatembu eameno nepopilo loshiwana owati, owa yandja omayakulo omikanda doukwashiwana kova kalimo vedulife po 24 000 moshilongo ashishe.

Meenghundafana do Nampa opamwe  noumisitry Margaret Kalo,  okwe shi koleka kutya,  ouministy owa tulile moilonga oshikonga shoku yandja omikanda doukwashiwana ko shiwana,  osho sha hovelele oku dja mo  05 February 2024 no tashii fiyo  30 July 2024 oku dja moitopolwa aishe 14 yoshilongo.

Shelikwatelela ku Kalo, okwati omuvalu weedjapo domadalo difike po   9 881 oda yandjwa,   omanga oumitwe vefike 14 511  navo va yadjwa fiyo opapa pefimbo loshikonga shili metifa nota shitwikile.

Okwati oshikonga ota shitale meenghendabala doku yandja eedjapo domadalo, oumitwe oshoyo ovo va kanifa omikanda davo. Kalo ta pula oshiwana oku dja moitopolwa aishe yoshilongo 14, ovo ve hena omikanda doukwashiwana valongife omito oku talelapo eenele odo daetwa popepi navo, oshoyo oku ya keembelewa doumisnitry veli monene omikanda davo.