Oshimaliwa oshipe shefo shoodola 100 sha ningilwa omaluunduluko sha pitithwa ko Bank of Namibia

Ngoloneya go Bank of Namibia Johannes !Qawaxab okwa tamekitha oshimaliwa shefo shoodola 100 sha ningilwa omalunduluko ,tashi ulike eitulemo lyombaanga oku kalekapo oongushu dhalyo, noku tsa omukumo ekwatelemo lyopaliko.

Ta popi petamekitho ohela ko Lindili ,ngoloneya okwati okugandja oshimaliwa shika shefo oshili epondolo enene kolweendo lwawo lwonakuyiwa tayi kwatelemo noyamba.

Onga o Bank of Namibia,ngoloneya okwati otaya uvanekele aa Namibia oku kwashilipaleka egameno lyiimaliwa yawo yomafo,ongushu yomilandu dhokufuta,nengungumano lyodola ya Namibia.

Omumvo gwa piti ombaanga oya pititha oshimaliwa oshipe shefo shoodola 20 no 200,nokwati okugandja oshimaliwa shefo shoodola 100 dha ningilwa omalundululo osheetithwa komukalo goshito gombaanga goku gwedha iimaliwa momalanditilo.

Oshimaliwa shefo shoodola 100 oshina eshaino lya ngoloneya omupe gombaanga.