Omu President Nangolo Mbumba  okwati oikondo yoikwanghono ota idulu oku hangififa omafikilo emanguluko lo paliko..

Omu President Nangolo Mbumba  okwati oikondo yoikwanghono oyo kuniwe omafaneko ika kufe ombinga momudingonoko wodoropa ya Lüderitz ota ika kwafela oku hanga efikilo lemangululuko lopaliko  moshilongo.

Omudingonoko wa Lüderitz ota  kulopotwa wa monikile tete ouyamba wokawe mo 1908, no konima owa ka longifwa onga oshikondo shouyamba weeshi konima yemanguluko loshilongo.

Omupresidet Mbumba oo ali tapopi moshongalele pamwe nova kufimbinga molomakaya komudingonoko wodoropa yomukunghulofuta okwati , oshilongo ita shi dulu oku kala shina ombili nengungumano ngeenge exumokomesho lopaliko ola nyika oipa yombwa, no ngeenge ka pena ekwatafano nelongelo kumwe liliwetikile mokati kovakufimbinga va yooloka.

Okwati ondjokonona ita idulu oku holamekwa molwaasho omo tuna okukufa oihopaenenwa,  ashike okwati osho shafimana omanga tuli memanguluko loshilongo,  natango osha pumbiwa opo tu kondjele eyokomesho leliko ngaashii oku shitalela keemito odo tadi monika momudingonoko wa Lüderitz, oshoyo moshilongo ashishe sha Namibia,”.

Oshongalele shomupresident pamwe novakufimbinga oshali sha talika onga omito yelelo lodoropa ya Lüderitz  oku nofwelako omupresident kombinga yanghene elelo leli pyakudukwa mokweetapo oikondo ipe yoikwanghono yomayambulepo modoropa.

Pefimbo loshongalele oo eli omunambelewa koshikondo shoku tonatela omaliko , Jonas Mahalelo okwati,  odoropa oili ya taalela oupyakadi wonele yedu eshi tashuulike kutya oya pumbwa ashike etamununenemo ledu lee 11 000 hectares, eshi kombinga youshilo taku hangwa efuta, omanga kombinga yonooli nouningingino taku hangwa onele yopashiwana nokawe.

Okwati eshi oshiwana taa sheende noku tembukila modoropa meenghendabala doku likongela oilonga, odoropa oya ulika nghene ili  mefininiko loku yandja omayakulo omaumbo, omeva,  nolusheno oshoyo eenele doku likwafelela koshiwana.

Okwati omumbwe yelongo nomandiki ouhaku nayo oyo imwe yomoipumbiwa ya pumbwa oku wa nifilwapo oshiwana momudingonoko.