Mayora Queen Kamati, okwa yandja omukumo womahekeleko kovapambele vomwiihongi moshiputudilo sho NUST, Fillemon Primus.

Mayora welelo loshilando sha Windhoek Cllr Queen Omagano Kamati,  oshondaxa okwa li aka pendula konele oko haku di na kufya  Fillemon Primus, oo ali omwiihongi koshiputudilo shelongo lopombada moshilongo sho  NUST.

Fillemo okwa xulifa pefimbo ahangwa tava pewa omadeo pendiki lomakwafelo opaulumomumbwe lelelo loshilando sha windhoek.

Shelikwatelela komukanda oo wali watuminwa oikundaneki owati oshiningwanima osha holokele mo  4 April 2024.

Pefimbo  Mayor Kamati ali aka popifa noku pendula  keumbo oko haku di nakufya, okwa yandja omahekeleko aye kovapambele vanakufya.

Okwati  edjepo la Fillemon olili ekanifo lakula eshi ali omunyasha oo ahangwa melilongekidilo loku kayambulapo onakwiiwa yeliko loshilongo.

Okwati elelo loshilando sha Windhoek nalo olili yoo la kumwa no luhodi kedjepo la Fillemon.

Ponele yelelo loshilando Mayora okwa yandja omahekeleko noku halela omukumo nelineekelo lopombada ovapambele vanakufya,  pefimbo veli vawililwapo koshilemo shilaula.