Omupombada wongudu yomilameno mo Ethiopia eli tuwa adipawa.

Omukwateli komesho wongudu ya kula yomilaameno mo  Ethiopia okwa lopotwa ayashwa okufya no lutu laye ola hangwa lelituwa molwaamba londjila yomudingonoko wodoropa omo hadi ya Meki, moshitopolwa shili moupyakadi womakuyunguto sha Oromia.

Eelopota doikundaneki odati Bate Urgessa, 41, okwa kala omunyani akula wepangelo lili koshipundi,  nokwa kala noku idililwa modolongo lwoikando ihapu.

Ovapambele vanakufya ova lombwela oikundaneki kutya, efiku loshiningwanima okwa li akufwamo monduda yaye mohotela omo alimo oufiku wetivali , aku fwamo kovanhu tava ulike vafa ovanambelewa voku kalekapo eameno loshitopolwa. Nande ongaho elelo lopashitopolwa la Oromia ole likala omapopyo oota lipopilwa kutya  ovanambelewa valo ova kufa omuwiliki wongudu yomilameno monduda yaye noku ke mudipaya.

Momido dadjako mo  Ethiopia omwa kala noku didilikwa ominyonena domadipao tadi ningilwa ovakomesho vopapolitika. Mr Bate ota kutiwa okwali omunambelewa wopombada wongudu yo  Oromo Liberation Front (OLF) – ili imwe yomeengudu dopa politika dina eenghono mo Ethiopia.