Muni gwa Windhoek okwa koleke elunduluko momeya gokopomba ngoka gena olwaala olundjimbi momidhingoloko dhimwe moshilandopangelo

Muni gwa Windhoek okwa koleke elunduluko momeya gokopomba ngoka gena olwaala olundjimbi momidhingoloko dhimwe moshilandopangelo,tati ogena egameno lyokulongithwa, noshili oshizemo shelongitho lyomeya okuza mooboola.

Omupopiliko gwa Muni Harold Akwenye okwati elunduluko olya dhidhililikwa kaakalimo yalwe,unene ngaashi mo Windhoek West,nomo Eros noshili oshizemo shiimongwa  yopaunshitwe okuza momeya gomooboola,ngoka gena olwaala lwa yooloka kungoka haga gandjwa shito ku muni.

Akwenye ta fatulula kutya muni ohiiyutha komilandu kondololo dhongushu,oku kwashilipaleka kutya omeya taga pewa aakalimo ogeli pondondo yopashigwana yomeya gokunuwa.

Muni ota longitha omeya gomooboola,okugwedha komeya ngoka ga gandja,omolwa ompumbwe yomeya.