Opena uutile wiikolokosha niita o Middle omolwa oshiponokela sha Israel ku Iran

Iilongo iinankondo muuyuni ohela oyiindiile uukeka omolwa uutile kutya iiponokela yoo missile noo drone ya Iran ku Israel ,otayi vulu okweetitha iita oyindji mo middle east,sho iigwana ya hangana ya pulakene eindilo lyoondjindikila oompe dhi tulilwemo Iran.

Iran okwa ningi oshiponokela,shotango tashoodheke oshikandjo sha Israel,okuyamukula koshiponokela oshidhipagi shomewangandjo shoka tashi pelwe ombedhi  Israel ,shoka sha hanagulapo etungo lyuukalelipo shilongo wa Iran moshilandopangelo sha Syria, kuyele omwedhi nguka.

Iiponokela oya tula omahilathano mo Middle east pandjele ya nika oshiponga omwedhi 6 miikolokosha iidhipagi pokati ka Israel ,nongundu yuukulo ya Palestine yo Hamas,noku etitha iilongo yomuuyuni yiindiile uukeka.

Onzonkundana yo AFP oya lopota kutya omukuluntu gwiigwana ya hangana Antonio Gutteres okwa lombwele o UNSC ,sho ya tsakanene molyomakaya okwiikunda oshiponokela sha Iran ,tati  kapena oshitopolwa nenge uuyuni tawu vulu iita oyindji nenge iikwawo.

Ta londodha kutya o Middle east oyili kolungene,nethimbo ongaashingeyi oku keelela iikolokosha niita iipe.

Lopokati mpoka omupresitend gwa France Emmanuel Macron okwati France ota ningi kehe shimwe okuyanda iikolokosha ya gwedhwapo mo Middle east ,sha landula sho Iran a ponokele Israel.