Oshiwana melelo lomufyuululwakalo laNdonga tashi tuwa omukumo shifule eendungu noi tenemba yomeva..

Omupopiliko welelo lomufyuululwakalo la Ndonga Enkali Frans,   okwa pula noku twa omukumo oshiwana shifule eendungu oshoyo oitenemba oyo tai dulu oku kwa fela oku ya moshipala omumbwe yomeva pefimbo lo kwenye.

Frans edi okwe dipopya pefimbo leenghundafana odo ali mudo no Nampa metine, tati elelo i na li mona omayambidido oshimaliwa oku dja kepangelo opo li dule oku tunga eembola domeva,  no molwaasho tatu omukumo oshiwana shilafulule omifima neendungu domeva kushovene.

Omupopiliko ta popi kutya,  omudo wa djako ova kalimo oku dja moikandjo hoololo ngaashi Nehale LyaMpingana, Eengodi no  Okankolo ova li moupyakadi woulamba womeva,  tati ota shi pumbwa pa tulwe omikalo doku li tetuka opo ku kelelwe onghalo yomumbwe yomeva monakwiwa.

Okwati oshiwana osha pumbwa oku longela kumwe noku tala komikalo doku likwafela moku etapo  eendungu domeva nomifima,  opo shi li kwafele pefimbo loukukutu.