Namibia ita popile omakuyunguto pokati koilyolongo.

Omunambelewa omukulunhu mouminsitry woikwapondje nelongelokumwe lomakwatafano noilyolongo Penda Naanda okwati, Namibia onghee eli kwa telela ke kanghameno lomilanduveta odo ita di popile omakuyunguto pokati koilyo longo.

Naanda  edi okwe dipopya onghela pefimbo leenghundafana odo aninga nondjo nghundana yetu eshi ali ta nyamukula kepulo kutya,  Namibia yee okwa fikama peni no shiponokela sha ningilwa Israel ku Iran Mexulilo shivike.

Okwati miniter woikwapondje nelongelo kumwe Dr Peya Mushelenga, pefimbo ali ta yelifile oikundaneki konguloshi yoshondaxa,  okwa popya noku nyamukula kutya,  Namibia ita ya mbidida omakondjifaafano oo taa dulu okweeta eameno loshiwana liye moupyakadi,  no molwaasho Namibia ta pula opo oilongo aishe oyo ili momaupyakadi iye meenghundafana noku tala nghene oma upyakadi taa dulu oku potokononwa noku kandulwapo.

Naanda okwati omulandu veta woshilongo sha Namibia, owe li kwatelela kekotamango loshilongo olo tali ti kutya, Namibia iha kufa ombinga moita nonghene ta ke ndabala opo ayandje omayele koilongo ili momakuyunguto okweeta ombili.

Ota kulopotwa Iran oku pendukila oshondaxa ali aumba oilwifo ku Israel , ashike ota kutiwa %99 doilwifo aishe oyo yaumbwa oya pondolwa ku Israel oku ikelela.