O UNSC tayiindiile Guyana na Venezuela ya simaneke oveta moku kondjele oshikandjo shuuyamba womahooli

O UNSC oyiindiile Venezuela na Guyana ya yande oku nkondopeka omahilathano omolwa oshitopolwa shuuyamba womahooli ,shoka ayehe taati oshawo.

Omahilathano goshitopolwa Essequibo,shoka sha siikila iititatu iyali ya Guyana, nosha kala noku pangelwa ku Guyana uule woomvula odhindji,ogiindjipala mo 2015,sho mwiitsuwa omahooli kehangano lya America lyo ExxonMobil.

Iilyo yo SC oya holola omaipulo kombinga yompito yoku hwahwameka iikolokosha pokati ka Venezuela na Guyana.

O Skynews oya lopota kutya o UNSC tayiindiile oongundu adhihe dhi kale dhili uukeka,nokudhi  dhimbulukitha iinakugwanithwa yawo  yo Order of Provisional Measures ,ya gandjwa ko International Court of Justice mu 01 Dec 2023.

Iigwana ya hangana oyiindiile Venezuela opo kaaha ninge sha okulundulula uukwatya wongaashingeyi woshitopolwa Essequibo.