Omukiintu mokakuma konima sho a kwata okamwanamati koonkondo

Omukuluntu gopolosi moshitopolwa shaShana Commisiona Naftal Sakaria okwati aakiintu mboka taya ningile aanona omahepeko gopaihulo otaya katukilwa onkatu noku pewa omageelo ngaashi ka naana ngoka taga pewa aalumentu.

Sakaria okwa thamuna shoka konima sho omukiintu gomimvo 37 kwa Lopotwa a tulwa miipandeko momukunda Ongenga mOkaku, taku fekelewa a kwata onkonga okamwana komimvo 9.

Tati omufekelwa ngoka poompito odhindji oha hula okanona hoka iikutu, noku ka longela omuyonena ngoka gopaihulo.

Natango Otaku hokololwa yina yokanona hoka Ali eka fike noshikuni shomulilo, sho inaaka landula omalombwelo ge.

Ota tamanekelwa oshipotha shekwatonkonga oshowo shomahepeko nokwa tegelelwa a holoke mompangu oshiwike shika.