Aakwashigwa yiimanga kumwe mokutungapo okapangelo keli pamuthika

Aakalimo momikunda dha dhingoloka osenda ya Ambunda moshikandjohogololo Onayena, oya imanga kumwe nokugongela oshimaliwa ya vule ya thikamithepo etungo lyopamuthika, moka aapangi taya vulu oku kala haya gandja omayakulo pwaahena omakuyunguto.

Moonkundathana na Amushanga gwetungo Salom Namupala okwati oyena eshongo enene yokwaahena ehala lyomayakulilo lya andjuka no lili pamuthika.

Nomolwaasho oshigwana osha tokola shi image kumwe opo ya kwashilipaleke kutya oya tungapo okapangelo kopamuthika, taka vulu oku yakula oshigwana.

Namupala tati osenda ndjoka ohayi etelwa omayakulo lumwe momwedhi, kaapangi haya zi kokapangelo kOnayena, noha ka yakula aantu yaza momikunda dhili miikandjohogololo ngaashi Epembe nOnyaanya.

Okwati nonande oshigwana sha kambadhala natango onkene taya pumbwa omakwatho nomayambidhidho opo ya manithe oku opaleka ehala lyawo ngaashi shili pamathaneko gawo.