Iilongo itatu ya Africa ya wayimine opolohalama yoku kondjitha o Malaria

Benin,Liberia na Sierre Leon oya ningi iilongo yongaashingeyi ya Africa okuwayimina opolohalama  yotango muuyuni oku kondjitha o Malaria.

Iilongo yopa 3 otayi ka gandja otuntila yo RTS kaanona yeli poomwedhi 5 nenge ye vulepo  pailuku  yopa3.

Benin okwa yakula ootuntila 215 900 dhotuntila,omanga Liberia a yakula uli 112 000 na  Sierre Leon uli 550 000.

Ehangano lyuundjolowele muuyuni,o UNICEF no Global vaccine Alliance-Gavi otaya enditha opolohalama.

Momushangwa gopamuhanga oyati opolohalama oyili onkatu ya simana oku keelela o Malaria mu Africa,ngoka a taalela omutenge gomukithi.

O BBC oya lopota kutya mo 2022,oo % 94 dhiipotha ayihe yo Malaria  nomaso goo % 95 dhomaso go Malaria oga lopotwa mu Africa,shiikwatelela kehangano lyuundjolowele muuyuni.

Otuntila oyuulika nale epondolo mo Cameroon,Burkina faso,Ghana,Kenya na Malawi.

Omalolelo miilongo mbyoka itatu ogeetitha egwopevi lyomaso maanona mboka yaadha okupewa otuntila nooo % 13.

Iilongo ya yoloka ya   Africa okwa tegelelwa yi tule miilonga opolohalama yotuntila yo RTS moomwedhi dhili komeho,komeho yotuntila ontiyali yo R21 ndjoka ya ziminwa kehangano lyo WHO.