Omupresident Dr. Nangolo Mbumba okwa fika mo Tanzania onghela.

OmuPresident Dr Nangolo Mbumba onghela okwa fika moshilongo Tanzania oko ayako oku ka kufa ombinga koshiindingili shewanifo lomido 60  oku dimbuluka efiku loukumwe umwe wo shilongo osho.

Omukwateli komesho wa Namibia ko shiindingili osho shili ko Tanzania,  ota ku lopotwa aninga etokolo lo kuyako,  ngaashi shili eshiivo  olo aya kula oku dja kwao eli omupresident woshilongo osho  Samia Saluhu Hassan.

Oshiindingili osha talika shili ondjokonona ya kula ye hengumukilo mumwe ledina loshilongo kwa li Tanganyika na Zanzibar no kwee tapo  United Republic of Tanzania osho sha tu lilwe moilonga  mo 26 April  1964.

Metumwalaka lomupresident ngaashi la u likilwa oikundaneki onghela,  omupresident Mbumba okwati  Namibia na  Tanzania ovena ondjokonona ishi oku li tangelwa okashila,  osho sha hovela nale pefimbo le kondjelo manguluko,  pefimbo  ongudu yo Swapo yali  tai kondjifa onghalo yomukolonyeki na , Tanzania osho shimwe sho moilongo yo tete yali ya yeulula omivelo dayo oku twa epepe Namibia,  opo adule oku kondjifa omatanga omukolonyeki osho sha ka pala emanguluko loshilongo olo shee tuli hatu tyapula nena.

Okwati Tanzania  oye ali akwa fela moku kwa tela komesho omadeo ova kwaita va Namibia ovo vali va kufa ombinga mo malwoodi ali taa lalakanene ekondjelo manguluko loshilongo.