Okuna ashike omwedhi gumwe aa South Africa yaka hogolole momahogololo gopashigwana

South Africa ota ningi omahogololo gopashigwana mo 29 May,ngoka ga talikako taga kala ga kwata miiti muule woomvula.
Aantu ya konda poomilion 27 okwa tegelelwa yaka hogolole.
Notaya indilwa ya hogolole opaalamende ompe,ndjoka tayi ka ulika omupresitend.
Eyambidhidho lyongundu tayi pangele o ANC ndjoka ya kala koshipundi okuza pehulilo lyepangelo lyokatongotongo mo 1994 otali ende tali shuna pevi.
Omapulapulo oguulike yili moshiponga shoku kanitha omawi ogendji mopaalamende loshikando shotango.