Omauliko giipindi gaNdangwa oga tameke nena

Omunambelewa gwiipambele yoshigwana nomakwatathano melelo lyondoolopa yaNdangwa Petrina Mutikisha okwati, aapindiki ya konda 140 otaya kutha ombinga iipindi yonuumvo .

Moonkundathana nonzonkundana yo Future Media ongula yonena okwati omauliko giipindi ngoka haga kala ko omumvo kehe, oga tameke nena noga thanekwa ga hule olyomakaya.

Ta popi kutya aapindiki oya tegelelwa ya ulike iihongomwa, iilongomwa, oshowo Omahangano ga yooloka gopaumwene nogo papangelo taga gandja omayakulo.

Mutikisha okwati oya kwashilipaleka woo kutya egameno olya kalekwapo ethimbo lyiipindi onkene aakuthimbinga na ya kale ya manguluka.

Tati ohaya tala unene aanangeshefa ayehe, aashona naanene opo ya kuthe ombinga noku paathana omayele gopangeshefa.

Okwa gwedhapo kutya omawuliko giipindi ompito ombwaanawa kaanangeshefa oshowo komahangano ga yooloka, okuulika uunongo niilonga oshowo okushingitha iilandandithomwa yawo.

Iipindi mbyoka otayi ningwa ngaashingeyi oshikando oshiti 11.