Muni gwa Otjiwarongo a mono omunambelewa kuluntu

Muni gwa Otjiwarongo nena okwa tseyitha euliko lyomunambelewa kuluntu gondoolopa Mberipura Hifitikeko,ngoka kwa tegelelwa a tameke niilonga mu 01 June.
Omunambelewa gwiipambele yoshigwana melelo lyondoolopa Adelheid Shilongo okwati Hifitikeko okuli omunambelewa omukuluntu mo TranNamib mo Windheok,nokuulikwa oshiwike sha piti,sho uuministeli weyambulepo lyokomikunda noondoolopa wa zimine ethindilemo lyewiliko lya Muni gwa Otjiwarongo.
Ondoolopa ya Otjiwarongo oya kala yaahena omunambelewa kuluntu okuza sho Moses Matjayi a wayimine muni gwa Windhoek omumvo gwa piti.