Ya tyapula esiku lyaaniilonga moRundu

Omupevi pilima goshilongo John Mutorwa okwati Epangelo otali tsikile oku longa nomahangano kalelipo gaaniilonga oku kwashilipaleka kutya oonkalo dhawo odha hwepopekwa. 

Mutorwa okwa thamuna ndhoka ohela Pethimbo lyetyapulo lyesiku lyaaniilonga moRundu moshitopolwa sha Kavango Uuzilo.

Okwati aaniilonga oyo esipa lyombunda lyoshilongo nohaya dhana onkandangala onene meyambulepo lyeliko lyoshilongo, onkene oya pumbwa oku simanekwa.

Okwa gwedhapo kutya otaya kwashilipaleke kutya uuthemba waaniilonga owa gamenwa ethimbo alihe.

Mutorwa okwati aaniilonga naya simaneke noku gwanithapo iilonga yawo, yo aagandji yiilonga taya gwanithapo noku kalekapo oompango dhaaniilonga.

Ta yelitha kutya uuna yiimanga kumwe nomahangano kalelipo gaaniilonga oshowo iikondo yilwe, otaya pondola mwaayihe .