Ehangano lyo Namibia Rugby Union lya pewa ekwashilipaleko lya kola kehangano lyo NBL

 

Ehangano lyobuulaye olya gandja oshimaliwa shekwashilipaleko shoodola oomilion 3 kehangano lyo Namibia Rugby Union metiyali oshiwike shika.

Eyambidhidho lyongaashingeyi otali lalakanene okuyambidhidha oo club dhomoshilongo noo tournament dhopashitopolwa dhaadhani yo rugby opo yiilongekidhile uudhano wekopi lyuuyuni momumvo 2027 tau ka dhanenwa ko Australia.

Kohi yedhina Windhoek Draught Welwichias,obuulaye oyina ohokwe nokwiitulamo okuyambidhidha ospan yopashigwana okuulika iipewa yawo moshilongo nokomaudhano gopashigwana,shiikwatelela kobuulaye momushangwa gohela.

Omupevi presitend go Namibia Rugby Union Johan Diegaart okwati eyambidhidho lyobuulaye olya simana,kashishi ashike okuyambulapo o rugby moshilongo,ashike nokuyela wo uudhano wawo pandjele yopaigwana.