Frans Enkali tiindiile oshiindingili shomagongo shi kale shina engungumano

Omupopiliko gwelelo lya Ondonga Frans Enkali okwiindiile mboka taayi koshiindingili shomagongo opo yaaha humbate iilwitho.

Oshiindingili shomagongo oshiliko mo 25 May.

Moonkundathana a ningi no Nampa ohela,Enkali okwati aaunganeki yoshiindingili otaya gunu aantu ya yande omakuyunguto,nokwiindiile mboka taayi kaaya humbate iilwitho.

Oshiindingili shOmagongo otashi ka ningilwa kOmbala ya Ondonga ko Onambango moshitopolwa Oshana.

Notashi unganekwa kelelo lya Ondonga nolya Ombandja.

Enkali  tiindiile aakuthimbinga ya nwe nuukeka pethimbo lyoshiindingili.

Oshiindingili shomagongo shomumvo gwa piti okwati sha ningilwa kombala yelenga Oswin Mukulu moshitopolwa Omusati mu 05 June.

Nohashi tyapula omugongo ngoka gwa talika kaantu yokoonoli onga edhidhiliko lyomukumo.