Sudan okwa taalela oshikele oshinene omolwa iikolokosha mbyoka yili metifa

Omunambelewa gopombanda miigwana ya hangana okwati onkalo mo Sudan otayi kala niilanduli iinene pondje yo Horn of Africa ,ongele oshindji sha ningwa okuyamukula kiita yopashigwana yomumvo gumwe pokati kaakwiita yepangelo netanga  lyo Rapid  Support Forces.

Ta popi no BBC Newsday, Toby Harward,o UN Deputy Humanitarian Coordinator for Sudan ,okwa hokolola onkalo meni nopondje yoshiilando El Fasher mo North Kivu kutya oya nayipala.

Tati uunene woshikele mo Sudan,oshikele shomatulululo ogendji,oshikele shoompumbwe dhopantu,aanona oyendji ya thigapo ooskola,niipotha yomahepeko gopaihulo oyili oshinima shasiku kehe moshilongo.

Tati uunene woshikele shika, nokuvula okutaandela moshitopolwa,hoka taku kala niilanduli iinene pondje yo Horn of Africa,otashi pula eidhopemo lyomeendelelo okuza koshigwana shomuuyuni.

Omunambelewa gwiigana ya hangana ta hokolola omadhipago inaaga fatululwa,okufikapo omikunda,iiponokela yomewangandjo, nomakondeko ngoka taga imbi mboka ya gumwa yeetelwe omakwatho.

El Fasher oshili oshilando shahugunina mo Darfur natango tashi kondololwa ketanga lyopakwiita ,noku niwe uutile kutya etanga lyo Rapid Support Forces noongundu dhilwe dhuukulo otadhi pangele oku ponokela oshilando.