Toucy Namiseb oye natango amushanga go National Council oomvula 5 dhili komeho

Omunashipundi go national Council Lukas Sinimbo Muha okwa hogolola natango Toucy Namiseb onga amushanga go National Council uule woomvula 5.

Euliko olya tameke mu 01 May nuumvo sigo April 2029.

Momushangwa gohela,Muha okwa holola omukumo mu Namiseb,ta holola omakuthombinga omanene ngoka a kutha  mo National Council.

Muha tati Namiseb  okwa dhana onkandangala ya simana okuyambidhidha iilyo yopaalamende moku gwanithapo oshinakugwanithwa  shopakotampango sho National Council.

Nokwa gandja ewiliko kaanilonga,oku kutha ombinga meyambulepo netulomiilonga lyo National Council Strategic Plan 2023/24 – 2027/28, noku dhana onkandangala ya simana mo Namibian E-Parliament Strategy.

Namiseb  okuulikilwa tango ponkatu ndjoka mu May 2019,a pingenapo Emilia Mkusa ngoka a ka kalelapo oshilongo ko Ethiopia.