Uuministeli wuuthikepamwe wuukashikekokantu tawu kondema omiyonena tadhi ningilwa aanona nakiintu

Uuministeli wuuthikapamwe wuukashike kokantu,ekondjitho lyoluhepo nonkalathano owa kondema iiningwanima yongaashingeyi yomiyonena tadhi ningilwa aakintu naanona mo Namibia,unene ondjele yomakwatonkonga ndjoka tayiindjipala.

Uuministeli momushangwa gwa gandjwa ku Minister Doreen Sioka taguti uuministeli owa kunkwa kekanitho lyoomwenyo nepogolo lyongushu yomuntu.

Uuministeli tauti eso li nyanyaleka lya Angelique Delila Maarsdorp  ,ngoka a dhipagelwa megumbo lye,oshowo ohanana yaadhika ya thigwa momaindeina kOmbaye,oyuulike ompumbwe yeendelela okugamena oshigwana shoka shili moshiponga.

Omakwatonkonga,kondandalunde ,oga kalelapo epogolo lyuuthemba womuntu,noshili uupyakadhi uunene wa palamena oshigwana.

Uuministeli tawiindiile oshigwana shi kale sha lungama,noku lopota kehe iinyangadhalwa tayi limbilike nenge omadhidhiliko gomiyonena ,komalelo meendelelo.

Uuministeli tauti onkee wiitulamo okulonga nomalelo gooveta,omahangano goshigwana naaleli yoshigwana oku nkondopeka eyamukulo lyomiyonena dhuukashikekokantu noku gandja omayakulo geyambidhidho kiihakanwa naapambele yawo.