Aadheulwa yopolisi yeli 1060 ya manitha omadheulo gawo nena konooli yoshilongo

Aadheulwa yopolisi yonkatu yuu Cadet constable yeli 1 060 mwa kwatelwa aakiintu 381 naalumentu 679 oya manitha omadheulo go Namibian Police Basic Training Course 1 nena ko Ruben Danger Ashipala no ko Pius Joseph Kaundu Police Training Centre.

Ta popi poshituthi piti kokapale komaudhano ka Oshakati,Omupresitend Nangolo Mbumba okwati aakutwa aape otaaka vulitha opolisi yi patulule iitasi iipe moshilongo ashihe,noku nkondopeka iilonga yopolisi moshilongo ashihe.

Mbumba tati aanambelewa yamwe aape otaaka topolelwa koongamba dhoshilongo yaka kwashilipaleke kutya oongangala itadhi ya moshilongo noku piyaganeka ombili nengungumano moshilongo.