Ongundu yo Frelimo ya hogolola omuleli omupe a pingenepo omupresitend Nyusi

Ongundu tayi pangele mo Mozambiqie yo Frelimo oya hogolola ngoloneya ngoka inaa tseyika lwanawa Daniel Chapo,onga omuleli gwayo omupe,oku landula omupresitend Filipe Nyusi ngele ongundu oya sindana omahogololo gonuumvo.

Ongundumutima yo Frelimo oya hogolola Chapo ohela,okuza maaulikwa yalwe ya 3 yomeni,sha landula omahogololo gomasiku ga 3.

Chapo,kwali omunongeki nomutoolinkundana okwa kala ngoloneya gwa Inhambane okuza mo 2016.

Mepipi lyomimvo 47,ota kala omuulikwa omugundjuka ngoka taka nanena omawi gaagundjuka mongundu,ndjoka ya pangela oshilongo uule nethimbo.

Onzonkundana yo AFP oyati euliko lye onga omuleli go Frelimo olya landula omahilathano gomeni pokati koongundu mongundu,unene aayambidhidhi ya Nyusi naamboka yomutetekeli gwe onga omupresitend  Armando Guebuza.