Oshitopolwa Africa oshina ompumbwe yaanilonga yuuhaku-Shangula

Oshitopolwa sha Africa oshina ondjele yaanilonga yuuhaku ya 1.55 moshigwana shaantu 1 000 shoka shili pevi noonkondo okuyeleka nondjele yehangano lyo WHO yaanilongga yuuhaku 4.45 maantu 1 000 ndjoka ya pumbiwa okugandja omayakulo guuhaku ngoka ga pumbiwa okwaadha o Universal Health Coverage.

Shika oshiikwatelela kominista yuuhaku ya Namibia Dr Kalumbi Shangula ohela,momutumba go Africa health Workforce Investment Forum mo Windhoek.

Tati ompumbwe ndjika yaanilonga yuuhaku mu Africa otayi nkundipaleke noku ngambeka ompito yokugandja omayakulo guuhaku menenevi.

Noshitopolwa oshina ompumbwe yaanilonga yuuhaku,nonando shaadha nokuulika oonkambadhala okuyambukapo aanilonga yuuhaku.

Shangula tati wo Africa okwa taalela omashongo ga yooloka gaanilonga yuuhaku,okuza kompumbwe yaanilonga ya dheukika nosho tuu.

Nomashongo ngaka Minister okwati otaga dhigupaleke omilandu dhuuhaku woshigwana menenevi okugandja eyamukulo, nomayakulo gongushu kaakwashigwana,unene muushayi.