Aa Malawi ya tidhwa ko Israel sho ya thigipo iilonga yawo yomoofalama

Epangelo lya Malawi olyati Israel okwa tumuko aanilonga aa Malawi 12 mboka ya thigipo iilonga yawo yomoofalama .

Momushangwa,ominista yuuyelele Moses Kunkuyu okwati aanilonga okwali yena oo visa dhokulonga moofalama dhontumba,  ashike oya pogola ookondalaka dhawo,oku ka longa kombeka.

Aa Malawi 12 oyeli mokati kaakwiilongo ya konda 40 mboka ya mangwapo omanga taya longo mombeka mo Tel Aviv oshiwike sha piti.

Shiikwatelela ko BBC,Kunkuyu okwati kashili paveta kohi yoveta ya Israel ,omuniilonga omukwiilongo a lundulule iilonga inaa landula omilandu dhomondjila.

Aa Malawi omathele oyayi ko Israel omumvo gwa piti yaka thitike omwaka yiilonga mofaalama sho aanilonga omayovi ya thigipo oshilongo omolwa iikolokosha ya Israel-Gaza mu October.

Noshili oshitopolwa shompangela yiilonga ya shainwa pokati kiilongo yopaali mo 2022.

Aa Malawi oyati mofalama omuna oondjambi dhili pevi okuyeleka niiilonga yomoombeka nenge yilwe moondoolopa.