Omupresitend Nangolo Mbumba nomupevi presitend gongundu yo MPLA yiinika komilungu ohela

8 May, 2024 38

Omupresitend Nangolo Mbumba ohela okwa talelwapo komupevi presitend gongundu yo Popular Movement for the Liberation of Angola,MPLA Luisa Damiao.

Moonkundathana dhawo,omupresitend Mbumba nomupevi presitend Damiao oyeendulula kutya iilongo yopaali otayi topola ondjokonona onde yaza kekondjelomanguluko lyoshilongo ,oku mangulula iilongo yopaali naantu yawo.

Mbumba ta dhenge omuthindo kutya ngaashingeyi opena ompumbwe yoku kondjela emanguluko lyopaliko noku nkondopeka uukumwe wopauna diplomate pokati kiilongo yopaali.

Mbumba ta holola wo kutya okwa nyanyukwa sho iilongo yopaali tayi longele kumwe miikondo yeliko,iipindi nopolitika.

Lopokati mpoka omupresitend Mbumba nena otayi ko Kenya komutumba go Africa Fertilizer and Soil health Summit no World Hydrogen 2024 Summit and Exhibition mo Rotterdam sha Netherlands.

Written by: Selma Nangolo

Africa Fertilizer and Soil health Summit Dr Nangolo Mbumba Luisa Damiao. Netherlands Popular Movement for the Liberation of Angola Rotterdam World Hydrogen 2024 Summit and Exhibition