Nigeria ta kongo okugeela mboka taya ndjondjele iingangamithi moshilongo neso

Ontotwaveta tayi lalakanene okugandja egeelo lyeso kwaamboka tayaka monika ondjo mendjondjo lyiingangamithi oya pitithwa yi leshwe loshikando oshiti 3rd mopaalamende ya Nigeria.

Egeelo lya thanekwa,ndyoka natango lyaashi oveta,otali pingenapo egeelo lyonkalamwenyo modholongo ,ndyoka kwa talikako lya yaga kegonga.

Ontotwaveta oya tulwa mopaalamende ohela komutotiveta Mohammed Monguno peha lyuukomitiye wopamuhanga wo Judiciary and Drugs and narcotics.

Aatotiveta mboka ya yambidhidha ontotwaveta oyati egeelo lya thanekwa otali ka teya omukumo aaningi yiimbuluma shi vulithe pegeelo lyonkalamwenyo modholongo.

Ashike mboka yeli ompinge nayo oya holola omaipulo guukwatya wegeelo lyeso nompito yomageelo ga puka.

Ontotwaveta ngaashingeyi oya tegelela yi ziminwe komupresitend yi vule okuninga oveta.