Okamatyona ka fikwa nomeya omapyu kumushiinda

Omulumentu gomimvo 20 gwedhina Iindongo Amoni okwa hokola mohofa ya Mangistrata gwa Okahao ohela,sho a fike okamati koomvula 8,hoka keli okashiinda ke nomeya omapyu.

Okwa hokololwa kutya okamati oka yaka megumbo lyaandja Amoni.

Omutamanekwa ngoka a tindilwa obail ,noshipotha she shuundulilwa ku 06 June ,okwa taalela oshipotha shonkambadhala yedhipago.

Omukuluntu gopolisi moshitopolwa Omusati komufala Ismael Basson okwati oshiningwanima osha holoka osoondaha komukunda Okalale moshikandjohogololo sha Tsandi.

Taku hokololwa kutya okamatyona oka yaka iikulya megumbo lyopuushiinda noku kwatwa komufekelwa.

Omufekelwa ta dhenge okamati olutu aluhe nongodhi yolusheno,ta fulukitha omeya nokuga tila okamati kolutu,noka ehama noonkondo,notaka mono epango.

Omakonakono gopolisi otaga tsikile.