Iilongo ya konda 50 otayi ka tsakanena mo Paris okwiikunda omikalo dhoku teleka dhoka dha yela

Iilongo 50 otayi tsakanene mo France metiyali okwiikunda ompumbwe yomikalo dhoku teleka dha yela muuyuni auhe,shoka hashi etitha omaso oomilion kehe omumvo, noku tsitsimika elunduluko lyonkalo yombepo.

Aantu oobilion 2.3 miilongo 123 ohaya fudhilemo omiku dha nika oshiponga uuna taya teleke komasiga nenge pomililo dhiikuni,shiikwatelela kolopota yo  International Energy Agency (IEA)-African Development Bank (ADB) yomumvo gwa piti.

Tayiti aantu oobilion 3.7 kehe omumvo ohaya hulitha komikalo dhoku teleka dha nika oshiponga,naanona naakintu oyo yeli moshiponga.

O IEC tayiti oshigongi shomo Paris otashi lalakanene okukala ompito yelunduluko,shiikwatelela komukuluntu gwayo guuteginology Laura Cozzi.

Tati uupyakadhi owa guma uukashikekokantu,omakuti,elunduluko lyonkalo yombepo,iikwankondo nuukalinawa.

Onzonkundana yo AFP oya lopota kutya oshititatu shaantu muuyuni ohaya teleke niikwankondo ya nika oshiponga ngele tayi pi,mwa kwatelwa  iikuni,omakala,omakalamanya,omapumba giimuna, niiyekelwahi yuunamapya ngaashi iihenguti.