Omutotiveta Natangwe Iithete okwa hala omusinda omutiligane gu kuthwepo

Omutotiveta Natangwe Iithete okwa yele ekuthepo lyomusinda omutiligane,oku kwashilipaleka kutya aanafaalama yeli konooli yomusinda omutiligane oya mona ompito okuya momalandithilo giimuna.

Omusinda omutiligane,gweetwapo mo 1896 oguli einda ndyoka lya topola onooli yoshilongo kiitopolwa yondingandinga noyuumbagantu.

Nogwa kwatelamo oshitopolwa sha Oshana,iitopolwa iyali ya Kavango,Omusati,Zambezi,Kunene na Oshikoto,oku kwathela oku keelela etandeelo lyomukithi gwekondo nelaka.

Iithete tati omipopyo nenge onkatu ye inayi kuthwako papolitika,molwaashoka oshili omaiuvo gopamuhanga giilyo ayihe yopaalamende.

Ithete okwali ta popi ko Opuwo oshiwike shika pethimbo lyosheendo talelepo niigongi naanipambuliko moshitopolwa Kunene,yuunganekwa  Parliamentary Standing Committee on Economics and Administration,ndjoka ye eli omukwateli komeho .

Tati kayeshi kutya omusinda otagu kuthwapo uunake,ashike oya tegelela etokolo konima yoonkundathana dhawo.