South Africa natango ota pula Israel a hulithepo iiponokela ye mo Gaza,nepulakeno tali tameke metine kompangu yo International Court of Justice

Ompangu yopombanda miigwana ya hangana oyati otayi ka pulakena keindilo lya South okutulapo omalombwelo gopaulumompumbwe ku Israel a hulithepo iiponokela ye mo Rafah ,etine netitano.

Ompangu yo International Court of Justice  mo Hague otayi ka pulakena aatamaneki ya South Africa metine,taku landula eyamukulo lya Israel metitano.

Kuyele omwedhi nguka,Pretoria okwa shangele ompangu yo ICJ opo yi gandje omalombwelo ku Israel a hulithepo iiponokele yopakwiita  mo Rafah meendelelo.

Nota pula wo ompangu yi gandje elombwelo ku Israel a kuthe omatokolo agehe eendithe omakwatho gaye mo Gaza.

Aa Palestine ya thika 450 000 oya tulululwa  okuza mo Rafah sha landula iiponokela yongaashingeyi,omanga ya koda 100 000 okuza monooli ya Gaza,nomahangano giigwana ya hangana taga londodha kutya kapena ehala lya gamenwa moshikandjo.