Uufuthi wiimuna wa indjipala mOndangwa

Aakalimo momikunda dha dhingoloka Ondangwa moshitopolwa shaShana oya holola omaipulo omolwa iiningwanima yuufuthi wiimuna wa indjiipala unene.

Oya holola ya kala taya yakelwa iimuna yawo kiigunda koowalye, shoka sha kala unene sheya tula momalimbililo.

Moonkundathana na yamwe momukunda Omakango oyati oya kala owala taya yongola iimuna yawo kiigunda ashike aafuthi mboka ihaya adhikilila, ko nande oku landulwe oompadhi ohadhiyi owala kokwena kwa hula.

Ehulilo shiwike lya ziko okwali kwa kwatwa omufekelwa gumwe ngoka a yaka oshikombo kodhigunda teshi dhipaga noku pungula onyama moshipeleki moka hazi.

Aakwashigwana oyali yiimanga kumwe noku landula oompadhi ndhoka dheya fala sigo oompoka pwa holekwa onyama ndjoka yoshikombo.

Natango moshipeleki moka omwa adhika oondhingu, no taku fekelwa omulumentu ngoka ha yaka noku Landitha onyama.

Okwa tulwa miipandeko.