Omupresident Mbuba ayandja oshipopiwa shaye mo shongalele sho Hydrogen shi li metifa ko Netherlands.

Omupresident Nangolo Mbuba okwati ekufombinga laye ko shongalele sho unyuni sho HYDROGEN osho shili metifa ko Netherlands, oshi li edidiliko le pandja lipe melongelo kumwe no ilyolongo ikwao.

Pefimbo ta ulike etumba laye oku kala mo shongalele sho unyuni sho Hydrogen osho shili metifa ko shilongo osho, omutwe woshilongo wa Namibia, okwa yandja olupandu laye kepangelo loshilongo osho eshi leva tambulako opamwe no sheendo shaye osho sha fika koshilongo osho olomakaya.

Okwati Namibia na Kingdom of The Netherlands ova kala vena ekwatafano loku longela kumwe olo lashiivika nawa monakudiwa omo mwa kwa telwa eenghendabala doku ka lekapo ombili, omayambulepo taa kalele, oshoyo moshikondo sho Hydrogen osho shili sha talwa no mesho amanamo paife.

Mbumba okwati Namibia, ngaashi naana oilyo longo ihapu mu Africa,  oili ya taa lela elunduluko lipe olo tali ka etelela omayambulepo eliko moilyo longo, no kwee tififa eemito doilonga oshoyo oku shonopeka oluhepo mokati ko shiwana.

Mbumba okwa ti epangelo la Namibia opamwe no vakufimbinga va yooloka oku dja podje yoshilongo,  oli li le li tulamo moku ya komesho nee nghendabala do Green Hydrogen.

Okwati  oprojeka yo Green Hydrogen ku   Namibia,  oili oshidutifo sha etelwepo ku nakufya omupresidet  , no molwaasho aulika opo oilonga ya etelwepo komuleli akanangala wa Namibia ikale ya tumbalekwa.