Omulumentu a gwile mokandombe komeya noku hulitha komukunda Ouhwaala

Omulumentu gomimvo 36 okwa ningine nokusa omeya mondombe yomeya, omanga ta kwata oohi komukunda Ouhwaala moshikandjohogololo sha Anamulenge.

Omukwatakanithi gwekondololo lyiimbuluma moshitopolwa Omusati,Omupevi Komufala Moses Simaho okwa lombwele o Nampa kutya oshiningwanima osha holoka lopotundi onti 18h30 ohela.

Okwa hokololwa kutya omulumentu ngoka ena uuvu woshintona okwali ta kwata oohi mokandombe pooha negumbo lyaandjawo,sho a gwile momeya noku ningina.

Omudhimba gwe ogwiitsuwa kuyina,na nakusa okwa tumbulwa kutya oye Shilongo Killian Shamwene.

Kapena ngu ta fekelwa meso lye,nomakonakono gopolisi otaga tsikile.