Ova kwaneongalo va xwikilwa mo ngeleka pefimbo va hangwa ta va ilikana mo Nigeria.

Ovanhu vefike po 11 ova xulifa omanga vahapu vafiwa va ehamekwa mwa kwatelwa ounona, pefimbo omulumenhu eya ahomota aponokela onele yo ngeleka omo va limo tava ilikana onghela ongula , moshitopolwa sha Kano tashi hangwa monooli ya Nigeria.

Eelopota doshikundaneki sho BBC news  odati, oshiningwanima osha holoka efimbo longula ya kula onghela pefimbo omufeekelwa womido dili 38 eli omukalimo mo mu dingonoko omo eya monele yo mailikaneno noku umbilamo oshitopifa.

Omunambelewa ha popileko opolifi moshilongo osho okwati,  omakonaakono opetameko aningwapo okwa ulika kutya,  omulumenhu okweya monele ena ehandu,  molwo ku ha udafana pokati kaye novapambele vaye va mwepo ovo vali monele oyo, sha etififwa ke tukulo lomaliko efyuululo oo tati inaatukulwa ngaashi shina oku kala no ta popi kutya,  okwa kengelelwa moku pewa omaliko efyuululo oo ali ena oku mona.

Omunambelwa okwati nande ongaho omakonaakono moshinima oku li ahovela no taapula komesho.

Omunambelwa okwati ovo vamona oiponga ova tutumbilwa koipangelo.

Oikundaneki oyati pefimbo lo shiningwanima omufeekelwa okwa patapo pongeleka noku umbilamo oshitopfa osho sha etififa shi kale sha djuupalela ovo vali mo ngeleka va djemo noku fadukapo.