Oonkoshi ndatu dhiiyaka moshikunino shiinamwenyo

Uuministeli wOmidhingoloko owa kunkilile oshigwana shi kale sha pashuka, konima sho kwa monika oonkoshi ndatu moshikandjohogololo Mukwe moshitopolwa sha Kavango Uuzilo.

Omupopiliko guuministeli Romeo Muyunda okwa koleke ndhoka momukanda gwiikundaneki ohela.

Muyunda tati oonkoshi ndhoka odha topoka, noku wetike ashike dhili mbali onkiintu nondumentu.

Otaku fekelwa dhiiyaka moshikunino shiinamwenyo mo Bwabwata, no hashi vulika dha thinda koshikunino shiinamwenyo ko Khaudum.

Muyunda ta gwedhapo kutya konima sho dha monika omaandaha odha dhipaga oshikombo nokatana komukunda Katenture, nokwati iipotha mbyoka otayi ka ungwaungwa nayo kokangundu komaipumonumwe gwaantu niinamwenyo.

Nonkene uuministeli otawu kunkilile oshigwana shi kale shili ohanda noku lopota omainyengo kehe momidhibgoloko dhawo. 0