Oshiwana mo mudingonoko wa Havana mo Windhoek , sha hafela eenghendabala doku hovela no ilonga yo ku tunga oshipangelo.

Ovakalimo va dja meenele do malukanda moshilando pangelo moWindhoek ova tambulako no maoko  ashambekela eenghendabala de pangelo eshi la kufa etokolo oku va etela endiki lo uhaku popepi navo.

Oshiwana sha dja mo malukanda ayooloka oshilando pangelo,  onghela okwali sha ka kala eendombwedi de hovelo loilonga yo kutunga oshipangelo sha kula momudingonoko wa Windhoek, osho tashi tengenekwa shi ka kale sha fikamifwapo ko shimaliwa shee  N$16 billion,  tashi ka tungwa mo  Farm 108 mo lukanda la  Havana.

Eenghendabala de pangelo oku tungifa oshipangelo,  ota ku lopotwa da tu ku lulwa konghalo yo malifininiko oshiwana tashi kongo ouhaku oku dja mo mandiki oo elipo nale mo mudingonoko wo shilando.

Omutivali president wo shilongo Netumbo Nandi-Ndaitwa,  oye ali aka yeulula pambelewa eyokomesho loilonga yo shipangelo,  eshi ninga ponele yo mupresident wo shilongo  Nangolo Mbumba.

Moshipopiwa shaye omutivali president okwati’’ etameko loilonga yo shipangelo sha Havana,  oli li eyokomesho li li wetikile moilonga yo mupondo tayeetwapo kepangelo,  mo kweeta omayakulo ouhaku ongushu ko shiwana no kweeta omalunduluko mokati koshiwana.

Oshipangelo shipe tashi ka tungwa , okwa fanekwe shi kakale shina eembete do vanaudu difike po 500, onele yo matandelo, onele yo mayakulo oomeme ta veya oku pulumuna, onele yaavo tava pumbwa ouhaku wopa ma dilaadilo,  oku tumbulapo ashike ishona.

Oshipangelo osho twoo osho osha fanekwa shi ka kale sha manifwa no ilonga yasho oku fika ko 2027.