DRC azi kelungu lyeumbeko lyepangelo koshipundi

Etanga lyopakwiita lya DRC olyati olya keelele onkambadhala yokuumbako epangelo koshipundi lyomupresitend Felix Tshisekedi moshilandopangelo,lya kwatelamo aa Congo naakwiita yopondje.

Omupopiliko gwetanga lyopakwiita lya DRC ta popi no BBC Brg  Gen Sylavin Ekenge okwati aaafekelwa ya konda 50,mwa kwatelwa aa America ya 3 nomukwashigwana gwa British 1 gumwe oya mangwapo.

Nokwali ta popi ohela ,konima yoowili oonshona,sho aalumentu ya homata ya ponokele egumbo lya Vital Kamerhe,kwali o chief of Staff nokuli kuume komupresitend Tshisekedi ongula yosondaaha.

Mboka ya mono oshiponokela oya hokolola aaponokeli yathika 20 yeli momizalo dhopakwiita taya ponokele egumbo shoka sha landula komipaulilo dhoondjembo.

Aagameni yaali nomuponokeli gumwe ,omu Britain oya dhipagelwa moshiponokela.

Aalumentu oya ponokele wo o Palais de la Nation,ombelewa yomupresitend,ndjoka yili moshilandopangelo.

Tshisekedi ina popya sha moshigwana shinasha noshiningwanima shoka.

Aaponokeli okwa hokololwa iilyo yo New Zaire Movement,yiimanga  komunapolitika ngoka ayile muupongekwa Christian Malanga,ngoka a mona uukwashigwana wa America.

Malanga okwa yahwa okusa kegumbo lyepangelo,sho a tindi oku mangwapo kaakwiita,shiikwatelela ku Ekenge.

Nomona mati Marcel Malanga okuli mokati kaakwashigwana ya America mboka ya mangwapo omolwa onkambadhala yokuumbako epangelo koshipundi.